My Diet Diary!!

由７月４日開始至而家，我嘅減肥行動已經開始咗一個月零兩個星期嘞！今次自己真係好認真去達到目標！之前只係因為覺得自己俾以前肥咗，所以想開始做吓運動，而且仲有舊同事 Kat 留低俾我嘅 Watermania coupon 用，所以開始去做 Gym。但係估唔到，越做就越上癮，仲覺得做完運動之後個人好 refresh，好似 achieve 到一啲嘢咁，感覺好好，所以下定決心，今年暑假一定要達到多年減肥嘅目標！原本亦有多一個原因，因為１２月要返香港做好朋友 Ｍandy 嘅伴娘，都希望自己著起條裙都唔好失禮人！不過其實真正原因都係為咗自己，因為有好幾年冇為自己定下一目標，要挑戰一下自己什麼的。無論係工作上，生活習慣上同屬靈上，都覺得自己停滯不前，係時候挑戰一下自己嘅身體同 discipline。因為向來我都係一個ＥＱ高嘅人，決心要做乜就要做到低，好有堅持，不過，係身體上嘅鍛鍊就比較難堅持！所以今次要係自己較弱嘅一方面去鍛鍊自己，亦都係心靈上嘅一種堅持，忍耐，順服同等候。而呢啲對我嚟講，都算係一種屬靈嘅鍛鍊，因為要達到目標真係唔容易，需要好多意志，而且亦都係我生活嘅見証！好似講到好深層嘅決心同改變，但係我知道呢個改變對自己，對別人都係好嘅。活出一個良好習慣同健康生命亦會影響身邊嘅人，給予佢哋鼓勵，我能夠成功，佢哋都可以成功，呢個感覺亦都不錯！所以為咗可以達到目標，我係開始減肥嘅時候，第一時間就係話俾身邊嘅家人，朋友，同事知，等佢哋都可以為我打氣，亦可以做我 witness，等我可以堅持落去！而我又參加咗 Steve Nash 嘅 Personal Training Session，等我可以係專業而又健康嘅減肥計劃下 reach my goal ! 到目前為止，我已經成功地減咗 ７至１０磅，已經有唔錯嘅成績！！！食得健康同做 gym，雙管齊下，相信再堅持落去多兩個月，應該會達到減去１５至２０磅嘅目標吧！
繼續「努力！揸油！揸油！揸油！」

俾啲相睇下我食乜同做乜先喇！！！