一直都唔喜歡寫 blog 嘅我，突然間想寫啲野，可能呢啲就係叫心血來潮吧。
Anyways, 今日一人去到 JJ 買咗杯 Mocha，感覺好似好 high，坐係度歎咖啡，但係點知隔離就坐咗一班講鄉下話嘅人，嘰哩咕嚕，個mood有啲搞笑!!
其實今晚本來同班 youth...well...實質佢地都唔算細嘅 young adults cell group， 但係最後 cancel 咗！原本我對今次 cell group 都幾有信心，因為喺團契 announce 過，又 send 埋 email，需然回覆唔多，但係都知有幾個會嚟。知不過．．．到最後．．．個個都嚟唔倒。當時我係度諗，其實呢的事成日都會發生𠺢喇，而且我一啲都冇怪佢哋，亦覺得都冇乜所謂，因為 cell group 係佢哋嘅，佢哋唔想嚟都唔可以逼佢哋嚟，既然咁少人，就不如 cancel 它吧！！ 反正我可以番屋企 relax 吓添！！決定cancel 之前，都有同另一導師同團友商量過，大家有啲唔同意見，不過大家最後都覺得 cancel 比較好。因為原來大家唔嚟 cell group 都另有節目，一聽就知對佢地嚟講，另外個 party 比較吸引，所以我都再冇逼佢地嚟 cell group 嘞。
不過當我喺揸車番屋企嘅路途中，心𥚃面喺到諗，點解而家啲年青人會係咁嘅呢？難道同弟兄姊妹一齊分享相聚係一件咁不感興趣嘅事？？跟住，一幅一幅係我以前團契時同弟兄姊妹一齊嘅情景，喺我腦海𥚃面浮現。我記得，我喺青年團契嘅時候，我每一次番團契或無論參與任何嘅聚會都會好興奮，好渴望，又帶著一個開心嘅心情，因為又可以見到都好多朋友，一齊分享，談天說地，相信家都有經歷過這個感受。但當我番團契最開心，最constant，以為自己都算係一個不過不失嘅基督教徒嘅時候。我問自己，究竟我每次去團契為嘅係乜野呢？當然大家（如果你係一個基督徒的話）或許都已經有一個 typical 嘅 answer 。梗係為咗神啦！！！冇錯，當然應該係為咗神啦！？但係點解每次番團契前，都會有一種感覺，想知道今次週會做乜，又或者要問下邊個會番，先至會放心番團契呢？？可能我哋不知不覺已經張 focus 放錯了！坦白講，呢種感覺，現在信咗咁多年嘅我有時都會有，但係呢個問題，係一個要不斷去問自己嘅問題，係一個成熟嘅基督徒表現。每當我面對同樣嘅問題時，我會用另外一個問題問自己，如果呢個聚會只得我一個參加，我仲會唔會去呢？如果我仍然會去的話，咁就知道自己嘅 focus 係邊嘞。當然，我一直講緊嘅都係番團契嘅問題，係一個 constant 嘅聚會，同去 cell group 或其他冇定時間嘅聚會唔同，因為大家都有選擇權，但係呢個 focus 嘅問題仍然都會發生，無論我哋參與任何一個 church 嘅聚會（尤其係 worship) 都會有呢個想法。究竟我地想成為一個永遠跟住其他人番聚會嘅基督徒？定係一個冇被任何人，任何事去阻外我地 focus on 神嘅基督徒呢？乜野係為之“堅定”嘅信呢？係一個唔會被任何人、事或關係另到我地唔 focus on 神嘅信心！！！呢個只係一個邁向成功屬靈領袖嘅其中一要點呢．．．如果對相信神認真的話，就必須要確定呢一點．．．咁樣嘅信先至會嚟得堅定不移．．．繼續努力吧！！！
